भिजिट भिसा प्रकरण : सबैको छानबिन गर्ने ओलीको चेतावनीपछि आफ्नो अडानबाट पछि हटे प्रचण्ड

काठमाडौं । करिब दुई साता निरन्तर संसद अवरोधमा प्रमुख भूमिका खेलेको प्रमुख प्रतिपक्षी दल नेकपा(माओवादी केन्द्र) एकाएक आफ्नो अडानबाट पछि हटेपछि उसको भूमिकामाथि अनेकौं प्रश्न उठेको छ ।

गृहमन्त्री रमेश लेखकमाथि भिजिट भिसामार्फत मानव तस्करी गरेको आरोप लागेपछि गत जेठ १३ गतेदेखि माओवादी, राप्रपा र रास्वपा लगायतका प्रतिपक्षी दलले उनको राजीनामा र छानबिन समिति गठनको माग गर्दै प्रतनिधिसभा बैठक अवरुद्ध गर्दै आएका थिए । तर, शुक्रबार एकाएक प्रमुख प्रतिपक्षी दल माओवादी आफ्नो दुबै अडानबाट पछि हटेर सदन सुचारु गर्न सहमत भएको छ । कतिपयले यसलाई सरकारसँगै अघोषित सौदाबाजी गरेको आरोप समेत लगाएका छन् ।