गाउँमा गाडी भित्रिए, भाइ–छोराले गाउँ छाडे

बाजुरा । सुदूरपश्चिमको पहाडी जिल्ला बाजुरा र हुम्लाका केही गाउँमा सवारीसाधन पुग्दा खुसीसँगै दुःख थपिएको छ । ज्याला मजदुरी गरेर र भारी बोकेर गुजारा चलाउने अधिकांशका लागि सवारीसाधन पुग्नु दुःखको कारक बनेको छ । गाउँमा काम नपाएर पेट पाल्न र जहान कबिला पाल्ने पिरलोले उत्पादनशील जनशक्ति भारतका गल्ली र अन्य मुलुक गएपछि गाउँ खाली भएका छन् ।

‘मार्तडीबाट कोल्टी बजारका साहुको भारी बोकेर आएको पैसाले चुलो बाल्ने र आङ ढाक्ने एकसरो लुगा फेर्न पुगेको थियो, गाउँमा गाडी आएपछि टाउकाको नाम्लो त हट्यो तर भोको पेटलाई थाम्न नाम्लोको पटुका बनाउनुपरेको छ,’ बूढीनन्दा नगरपालिका–१ काखट्के लुहार दुखेसो पोख्छन् ।