मार्बुको कालिका माविमा इको क्लब गठन

दोलखा । दोलखाको वैतेश्वर गाउँपालिका– ७ मार्बुस्थित कालिका माध्यमिक विद्यालयमा इको क्लब गठन तथा अन्तर सदन भलिबल प्रतियोगिता सम्पन्न भएको छ। शुक्रबार हनुमन्ते सब डिभिजन वन कार्यालयको आयोजना तथा विद्यालयको सहजीकरणमा सो कार्यक्रम सम्पन्न भएको हो ।

प्रतियोगितामा विजयी खेलाडीहरुलाई हनुमन्ते सव डिभिजन वन कार्यालयले पुरस्कार समेत वितरण गरेको छ। कार्यक्रम आयोजना गरेकोमा कालिका माध्यमिक विद्यालयले सब डिभिजन वन कार्यालयप्रति हार्दिक आभार व्यक्त गरेको छ ।