इरान युद्धले तेल आपूर्ति गुम्दा पनि टिक्यो विश्व अर्थतन्त्र, तर भविष्यमा मूल्यवृद्धिको जोखिम कायमै

लन्डन । इरान युद्ध सुरु भए यता विश्वले एक अर्ब ब्यारेलभन्दा बढी तेल आपूर्ति गुमाउँदा पनि विश्व ऊर्जा बजारले अपेक्षाकृत सहज रूपमा त्यसको सामना गरेको छ । तर युद्धविराम अझै स्थायी नभएको, रणनीतिक तेल भण्डार उल्लेख्य रूपमा घटेको र मध्यपूर्वमा अनिश्चितता कायम रहेकाले आगामी दिनमा तेलको मूल्य पुनः तीव्र रूपमा बढ्न सक्ने जोखिम रहेको विश्लेषकहरूले बताएका छन् ।

गत फेब्रुअरी २८ मा अमेरिका र इजरायलले इरानमाथि आक्रमण सुरु गरेपछि इरानले प्रतिकारस्वरूप विश्वकै महत्त्वपूर्ण तेल ढुवानी मार्ग स्टे«ट अफ होर्मुजमा जहाज आवतजावत सीमित गरेको थियो । त्यसपछि विश्व बजारमा तेलको गम्भीर अभाव हुने र ऊर्जा संकट चर्किने अनुमान गरिएको थियो ।