भारत लैजान लागेको ४ केजी अफिम सहित दुई जना पक्राउ

काठमाडौँ । भारत लैजान लागेको ४ केजी ४२० ग्राम अफिम सहित प्रहरीले दुई जना लाई पक्राउ गरेको छ । पक्राउ पर्नेमा मकवानपुर कैलाश गाउँपालिका–४ घर भएका ५४ वर्षीय राज कुमार लामा र हेटौँडा उपमहानगरपालिका–१५ घर भएका ४० वर्षीय राज कुमार तितुङ छन् ।

शुक्रबार आरोपीहरूलाई मकवानपुरको हेटौँडा उपमहानगरपालिका वडा नम्बर–४ बाट पक्राउ गरिएको लागुऔषध नियन्त्रण ब्युरोका एसएसपी सुबास बोहराले जानकारी दिए । उनीहरूले लागुऔषध आफिम (चोप) संकलन गरेर भारत तर्फ लाँदै थिए । आरोपीहरूबारे थप अनुसन्धान गर्न ब्युरोले उनीहरूलाई जिल्ला प्रहरी कार्यालय मकवानपुरमा बुझाएको छ ।