दयाहाङ र सौगात फेरि आमनेसामने

नेपाली फिल्म क्षेत्रका दुई लोकप्रिय अभिनेता दयाहाङ राई र सौगात मल्ल फेरि एकपटक ठूलो पर्दामा सगै देखिदैछन्।

आज शुक्रवार रिलिजमा आउने फिल्म मितज्यूमार्फत उनीहरूको सहकार्य पुनः दर्शकमाझ आउन लागेको हो। नेपाली फिल्म उद्योगमा यी दुई कलाकारलाई सफल जोडीका रूपमा पनि लिइन्छ। कारण उनीहरूले सगै काम गरेका अघिल्ला फिल्मले बक्सअफिसमा राम्रो सफलता पाएका छन्। विशेषगरी लुट र कबड्डीजस्ता फिल्ममा देखिएको उनीहरूको केमिस्ट्री दर्शकले निकै मन पराएका थिए।