पारस खड्का जस्मिन पेन्ट्सको सद्भावनादूत नियुक्त

काठमाडौं । ३१ वर्षदेखि निरन्तर नेपाली ग्राहकको सेवामा समर्पित जस्मिन पेन्ट्सले नेपाली राष्ट्रिय क्रिकेट टोलीका पूर्व कप्तान पारस खड्कालाई आफ्नो सद्भावनादूत नियुक्त गरेको छ । कम्पनीले आफ्नो बजार प्रवर्द्धनका लागि यसअघि नेपालका चर्चित कलाकारलाई समेत सद्भावना दूत नियुक्त गरिसकेकामा पछिल्लो समय नेपाली खेल क्षेत्रको विकास र युवाहरुको चाहना र भावना लाई मध्यनजर गर्दै नेपाली क्रिकेटले आफ्नो उत्कृष्ट प्रभुत्व जमाउन सकिरहेको अवस्थामा खेल र खेलाडीलाई समेत थप प्रोत्साहन गर्ने उदेश्यका साथ खड्कासँग सहकार्यकालागि हातहरु अगाडी बढाएको निर्देशक सौगात अर्यालले बताए ।

अर्यालले विज्ञप्तिमार्फत भनेका छन्, ‘उहाँ (पारस)संग गरिएको यस सहकार्यले नेपाली खेलकुदका साथ(साथै हाम्रा उत्पादनहरुलाई प्रवर्द्धन गर्न र बजारीकरण बिस्तारका निमित्त थप टेवा पुग्ने अपेक्षा गरेका छौं । हामी बिचको यस सहकार्यले हाम्रा सम्पूर्ण ग्राहक महानुभावहरु तथा खेल प्रेमी नेपालीहरुको चाहना र भावनाको कदर गरेको महसुस भएको छ । यस सहकार्यले हाम्रा उत्पादनहरु स्वदेशी रुपमा मात्र परिचित नभई अन्तराष्ट्रिय स्तरमा नै परिचित हुनेमा बिस्वास लिएका छौं । उहाँसंगको यस सहकार्यले हाम्रा उत्पादनहरु प्रति ग्राहक बर्गहरुको विश्वास बढ्नेमा आशावादी छौं ।’