च्याम्पियन्स लिग : अंक दुरीमा बोरुसियाले बार्सिलोनालाई भेट्टायो

काठमाडौं । जर्मनीको बोरुसिया डर्टमण्डले च्याम्पियन्स लिगमा उत्कृष्ट पुनरागमन गरेको छ । बुधबार राती डाइनामो जाग्रेबको घरेलु मैदानमा भएको खेलमा बोरुसियाले ३-० को जित निकाल्दै अंक तालिकामा आफुलाई माथि उकालेको हो ।

यो जितसँगै बोरुसियाले अंकदुरीमा बार्सिलोनालाई भेट्टाएको छ । गोल अन्तरका आधारमा मात्रै उ बार्साभन्दा एक स्थान तल छ । बोरुसियालाई जिताउन जेमी गिटेंस, रामी बेन्सेबेनी र सेरहु गुइरासीले एक-एक गोल गरे ।