एनपीएलको उद्घाटन खेलकाे सबै टिकट बिक्री

काठमाण्डाै – आउँदो शनिवारदेखि शुरू हुने नेपाल प्रिमियर लिग (एनपीएल) क्रिकेटको उद्घाटन खेलको सबै टिकट बिक्री भएकाे छ ।

कीर्तिपुरकाे त्रिवि क्रिकेट मैदानमा हुने एनपीएलको उद्घाटनका लागि १० हजार वटा टिकट बिक्री भएको नेपाल क्रिकेट सङ्घ (क्यान) का सचिव छुम्बी लामाले उज्यालोलाई जानकारी दिनुभयो । १० हजारमध्ये ८ सय वटा भीआईपीतर्फका र ९ हजार २ सय वटा साधारणतर्फका टिकट बिक्री भएको उहाँले जानकारी दिनुभयो ।