अब माइक्रोसफ्ट पावरपोइन्टमा पनि च्याटजिपिटी प्रयोग गर्न सकिने

काठमाडौं । ओपनएआईले च्याटजिपिटीलाई अब माइक्रोसफ्ट पावरपोइन्टसँग जोडेको छ । अब प्रयोगकर्ताले सामान्य भाषामा निर्देशन दिएर एआईमार्फत नयाँ प्रस्तुति (प्रेजेन्टेसन) स्लाइड बनाउन, पुराना स्लाइड सम्पादन गर्न तथा अद्यावधिक गर्न सक्नेछन् ।

च्याटजिपिटीले जिमेल, आउटलुक र सेयरपोइन्टजस्ता सेवाबाट सामाग्री लिएर पनि प्रस्तुति तयार गर्न सहयोग गर्नेछ । यो पावरपोइन्ट सुविधा हाल बिटा चरणमा रहेपनि अधिकांश ओपनएआई प्रयोगकर्ता, नि:शुल्क प्रयोगकर्ता तथा च्याटजिपिटी बिजनेस सदस्यहरूका लागि उपलब्ध भएको कम्पनीले जनाएको छ ।