इंग्ल्यान्डका प्रशिक्षकले भनेः गतिला भएनन् विश्वकपका रेफ्री

इंग्ल्यान्डका मुख्य प्रशिक्षक थोमस टुचेलले विश्वकपका रेफ्रीहरूको स्तरप्रति कडा असन्तुष्टि जनाउँदै उनीहरू ‘खास्सै गतिला सक्षम नभएको’ बताएका छन् । अन्तिम–१६ अन्तर्गत एज्टेका स्टेडियममा मेक्सिकोमाथि ३–२ को रोमाञ्चक जित निकाल्ने क्रममा इंग्ल्यान्ड १० खेलाडीमा सीमित भएको थियो । त्यसमाथि टोलीविरुद्ध विवादास्पद पेनाल्टी पनि दिइएको थियो ।

बीबीसीसँग कुरा गर्दै टुचेलले भने, ‘यो स्तर पर्याप्त राम्रो छैन । रेफ्रीहरू पर्याप्त सक्षम छैनन्, ‘फोर्थ अफिसियल’ पर्याप्त सक्षम छैनन् । यही नै वास्तविकता हो, पेनाल्टी दिनु स्पष्ट र निर्विवाद गल्ती सच्याउने निर्णय थियो त ? पक्कै पनि होइन । सुरुमा उनले फाउलसमेत दिएका थिएनन्, तर पछि त्यो निर्णय उल्ट्याइयो ।’