गण्डकी प्रदेशसभामा दुई विधेयक पेस

गण्डकी । गण्डकी प्रदेशसभाको आजको बैठकमा दुई विधेयक पेस भएका छन् । मुख्यमन्त्री सुरेन्द्रराज पाण्डेले ‘केही गण्डकी प्रदेश ऐन संशोधन गर्न बनेको विधेयक’ र उद्योग तथा पर्यटनमन्त्री मित्रलाल बस्यालले ‘गण्डकी प्रदेशमा साझेदारी फर्मको नियमन तथा व्यवस्थापन गर्न बनेको विधेयक’ सभासमक्ष पेस गरेका हुन् ।

सभाले कृषि, भूमि व्यवस्था तथा सहकारीमन्त्री पद्मा जिसी श्रेष्ठको ‘जीवनाशक विषादी व्यवस्थापन सम्बन्धमा व्यवस्था गर्न बनेको विधेयक’ लाई दफाबार छलफलका लागि विषयगत समितिमा पठाउने प्रस्तावलाई पारित गरेको छ ।