गण्डकी सरकारबारे निर्णय लिन केन्द्रको ‘ग्रीन सिग्नल’ कुर्दै माओवादी

पोखरा । प्रधानमन्त्री पुष्पकमल दाहाल ‘प्रचण्ड’ समक्ष नेकपा एमालेका मन्त्रीहरूले सोमबार सामूहिक राजीनामा बुझाए । एमालेले संघीय सरकारलाई दिएको समर्थनसमेत फिर्ता लिने निर्णय गरिसकेको छ । योसँगै गण्डकी प्रदेश सरकारमा पनि केन्द्रीय राजनीतिक समीकरणको प्रभाव देखा पर्ने निश्चित भएको छ ।

एमाले नेतृत्वको गण्डकी सरकारबारे माओवादी केन्द्रले कस्तो कदम चाल्छ भन्नेबारे यतिबेला चासो बढेको छ । गण्डकीमा माओवादी केन्द्रसमेतको समर्थनमा एमाले नेता खगराज अधिकारी नेतृत्वको सरकार छ ।