७ वर्षपछि उत्तर कोरिया जाँदै चिनियाँ राष्ट्रपति सी जिनपिङ

चिनियाँ राष्ट्रपति सी जिनपिङ उत्तर कोरियाली नेता किम जोङ उनको निमन्त्रणामा यही जुन ८ देखि ९ सम्म उत्तर कोरियाको भ्रमणमा जाने भएका छन् । चीनको सरकारी सञ्चारमाध्यम सीसीटीभीका अनुसार शुक्रबार भ्रमणको औपचारिक घोषणा गरिएको हो।

प्योङयाङले रुससँगको सम्बन्धलाई निकै बलियो बनाउँदै लगेका बेला बेइजिङले उत्तर कोरियासँगको आफ्नो सम्बन्धलाई पुनः सुदृढ र सुमधुर बनाउन खोजेको रूपमा भ्रमणलाई हेरिएको समाचारमा उल्लेख छ । राष्ट्रपति सीले हालै मात्र रुस र संयुक्त राज्य अमेरिकाका नेताहरूसँग पनि भेटवार्ता गरेका थिए ।