ललितपुरबाट हराएको पल्सर मोटरसाइकल काठमाडौँमा फेला, नम्बर प्लेट बदलेर कुदाउने एक जना पक्राउ

काठमाडौँ। ललितपुरको चापागाउँबाट हराएको एक थान मोटरसाइकलसहित चोरीमा संलग्न एक जनालाई ट्राफिक प्रहरीले काठमाडौँको अत्तरखेलबाट नियन्त्रणमा लिएको छ।

गत २०८२ साल मङ्सिर २३ गते ललितपुर जिल्लाको गोदावरी नगरपालिका वडा नं. ११ चापागाउँस्थित सडक खण्डबाट बा.प्र.०२-०२१ प ७६९४ नम्बरको रातो र कालो रङको २२० सीसीको पल्सर मोटरसाइकल हराएको थियो। आफ्नो सवारी साधन हराएपछि धनीले खोजतलासका लागि हुलियासहित दिएको निवेदनका आधारमा ट्राफिक प्रहरी कार्यालयले व्यापक खोजी सुरु गरेको थियो।