महासंघको वरिष्ठ उपाध्यक्षमा ४ प्रत्यासी, श्रेष्ठलाई चुनौति दिदै उपाध्यक्ष पाण्डे

नेपाल उद्योग वाणिज्य महासंघको निर्वाचन सकिएको १७ दिन पुग्यो । वरिष्ठ उपाध्यक्ष स्वतः अध्यक्ष हुने प्रावधान अनुसार अन्जन श्रेष्ठ अध्यक्ष बने । अन्य पदमा निर्वाचन भयो । निर्वाचनमा पनि अध्यक्ष श्रेष्ठले नै समर्थन गरेको समूहको बाहुल्यता छ ।

महासंघले विधान परिमार्जन गरेर वरिष्ठ उपाध्यक्ष स्वतः अध्यक्ष नहुने र उक्त पद कार्यसमितिले चयन गर्ने व्यवस्था गरिएको छ । जस अनुसार यस अघि कोषाध्यक्षको मात्रै चुनाव कार्यसमितबाट हुने गरेकोमा अब वरिष्ठ उपाध्यक्ष पदको पनि चुनाव उसै गरि हुने भएको हो । पहिलो पटक यसरी छनोट हुने वरिष्ठ उपाध्यक्षका लागि ४ जना प्रतिप्रर्धि देखिएका छन् । वैशाख २२ गते भएको चुनाव अघि नै आगामी कार्याकालका लागि वरिष्ठको उम्मेदवार बनेका हेमराज ढकाल, निर्वातमा उपाध्यक्ष सुरकृष्ण वैद्य, पूर्व उपाध्यक्ष रामचन्द्र संघाइ र पूर्व कोषाध्यक्ष भरत आचार्य वरिष्ठका प्रत्यासी देखिएका छन् ।