कुवेतले जुन १ देखि अन्तर्राष्ट्रिय उडान पुनः सञ्चालन गर्ने

कुवेत- कुवेतले आगामी जुन १ देखि कुवेत अन्तर्राष्ट्रिय विमानस्थलबाट अरब तथा अन्य अन्तर्राष्ट्रिय वायुसेवाका उडानहरू चरणबद्ध रूपमा पुनः सञ्चालन गर्ने घोषणा गरेको छ।

नागरिक उड्डयन महानिर्देशनालयका महानिर्देशक शेख हमौद मुबारक अल-सबाहले विमानस्थलको प्रणाली तथा पूर्वाधारमा सुधार, सञ्चालन सुविधाको मर्मत-सम्भार र विकास कार्य सम्पन्न भएपछि उडान पुनः सञ्चालन गर्ने निर्णय गरिएको जानकारी दिए।