अमेरिकाबाट स्वदेश ल्याइयो दुई ऐतिहासिक पुरातात्विक मूर्ति

२२ असार, काठमाडौं । अवैध ओसारपसारबाट अमेरिका पुर्‍याएका दुई मूर्तिहरू स्वदेश फर्काइएको छ । फर्काइएका सम्पदामा १३औँ शताब्दीको सुनले जलप गरिएको कांस्य पद्मपाणी मूर्ति र १६औँ शताब्दीको बहुरङ्गी काठबाट निर्मित नृत्यदेवीको मूर्ति रहेका छन्।

यी अमूल्य सांस्कृतिक सम्पदाको फिर्तासँगै सांस्कृतिक सम्पदाको अवैध ओसारपसार नियन्त्रण तथा धार्मिक एवं ऐतिहासिक वस्तुहरूलाई तिनको मौलिक समुदायमा पुनःस्थापना गर्ने विषयमा नेपाल र अमेरिकाबीचको दीर्घकालीन सहकार्य थप सुदृढ भएको अमेरिकी राजदूतावासले जनाएको छ ।