अपराध अनुसन्धान तथा विश्लेषणका लागि अत्याधुनिक उपकरण र सफ्टवेयर किन्ने सीआईबीको तयारी

काठमाडौं । केन्द्रीय अनुसन्धान ब्युरो (सीआईबी) लाई प्रविधियुक्त बनाउन सरकारले उपलब्ध गराएको एक करोड रुपैयाँबाट अत्याधुनिक उपकरण तथा सफ्टवेयर खरिद गर्ने प्रक्रिया सुरु भएको छ । सरकारले घोषणा गरेबमोजिम उक्त रकम प्राप्त भई खरिदको आन्तरिक प्रक्रिया अगाडि बढेको सीआईबीले जनाएको छ ।

प्रधानमन्त्री बालेन्द्र शाह (बालेन) को नेतृत्वमा गठित सरकारले १३ चैतमा सार्वजनिक गरेको १०० बुँदे ‘शासकीय सुधार कार्यसूची’ को ९४ औं बुँदामा सीआईबीलाई प्रविधियुक्त बनाउन तत्काल कम्तीमा एक करोड रुपैयाँ उपलब्ध गराउने घोषणा गरिएको थियो । सोही घोषणा अनुरूप सरकारले उक्त रकम निकास गरेकाे हो ।