स्कटल्यान्डमा सेलरोटी बेचेर मन्दिरका लागि जुट्यो आर्थिक सहयोग

एबर्डिन (स्कटल्यान्ड)। स्कटल्यान्डको एबर्डिनमा बसोबास गर्दै आएका नेपालीहरूले एबर्डिन हिन्दु मन्दिरको सहयोगार्थ आयोजित फुड मेलामा परम्परागत नेपाली परिकार सेलरोटी बिक्री गरी दुई घण्टामै ४०० पाउन्ड संकलन गरेका छन्।

एबर्डिनमा बस्ने चन्द्रा श्रेष्ठ र श्रुति श्रेष्ठले शनिबार आयोजित एबर्डिन फुड मेलामा नेपाली स्वाद पस्किएर उक्त रकम संकलन गरेका हुन्।