‘नाइमा मोबिलिटी एक्स्पो २०२६’मा ५३ ब्रान्ड सहभागी, ४० भन्दा बढी नयाँ सवारी सार्वजनिक हुने

काठमाडौं । नेपाल अटोमोबाइल इम्पोर्टर्स एन्ड म्यानुफ्याक्चर्स एसोसिएसन (नाइमा) को आयोजनामा यही साउन २६ देखि ३१ गतेसम्म काठमाडौंको भृकुटीमण्डपमा ‘नाइमा मोबिलिटी एक्स्पो २०२६’ हुने भएको छ ।

सोमबार आयोजित पत्रकार सम्मेलनमा एक्स्पो संयोजक गौरव शारडाले यस वर्षको प्रदर्शनीमा ५३ अटोमोबाइल ब्रान्ड सहभागी हुने र ४० भन्दा बढी नयाँ सवारीसाधन तथा उत्पादन सार्वजनिक गरिने जानकारी दिएका हुन् ।