विहेमा सहभागी हुन भारत आउँदै थिए मन्जुर, कुवेत विमानस्थलमा ड्रोन हमलामा मारिए

भारत : भारत मध्य प्रदेशस्थित उज्जैनका ५५ वर्षीय मन्जुर अहमदको कुवेत अन्तर्राष्ट्रिय विमानस्थलमा भएको कथित इरानी हमलामा मृत्यु भएको छ । उनको शव बिहीबार राति अहमदाबाद ल्याइएको छ र त्यहाँबाट उज्जैन लगिँदैछ ।

मन्जुर अहमद परिवारमा हुन लागेको विवाह समारोहमा सहभागी हुन भारत फर्किरहेका थिए । परिवारका अनुसार मन्जुर विगत करिब ३० वर्षदेखि कुवेतमा दर्जीको काम गर्दै आएका थिए । उनका छोरा मोहम्मद अनसले बताएअनुसार बुधबार बिहान उनी मुम्बई जाने उडान समात्न कुवेत विमानस्थल पुगेका थिए ।