विधि विज्ञान प्रयोगशाला विधेयकबारे विज्ञसँग छलफल

काठमाडौं । संसदीय समितिले राष्ट्रिय विधि विज्ञान प्रयोगशाला (स्थापना तथा सञ्चालन) विधेयक, २०८१ सम्बन्धमा विज्ञहरूसँग छलफल गरेको छ।

प्रतिनिधिसभाको शिक्षा, स्वास्थ्य तथा सूचना प्रविधि समितिले सोमबार विज्ञहरूसँग छलफल गरेको हो। विज्ञहरूले अपराध अनुसन्धान तथा न्याय निरूपण प्रणालीलाई वस्तुगत प्रमाणमा आधारित बनाउन उक्त विधेयकले महत्वपूर्ण भूमिका खेल्ने बताएका छन्।