नोभाद्वारा उत्पादन प्रक्रिया पुनरावलोकन र कोल्ड चेन अनुगमनमा कडाइ

कास्की । पोखरास्थित फिस्टेल डेरी प्रा.लि.ले आफ्नो उत्पादन ‘नोभा’ आइसक्रिमको एक निश्चित ब्याचमा कैफियत देखिएपछि आन्तरिक गुणस्तर नियन्त्रण प्रणालीलाई थप मजबुत बनाएको छ ।

खाद्य प्रविधि तथा गुण नियन्त्रण विभागको परीक्षणमा साउन १९ गते उत्पादित चकलेट आइसक्रिमको ब्याच नम्बर सीओ-२मा गुणस्तरसम्बन्धी समस्या देखिएपछि सो ब्याचका उत्पादन बजारबाट फिर्ता लैजाने प्रक्रिया सुरु गरेको कम्पनीले शुक्रबार एक विज्ञप्तिमार्फत जनाएको छ ।