देउवाको दुखान्त : राज्यसत्तामा बालेन, पार्टी सत्तामा गगन

काठमाडौँ । फागुन २१ को चुनावको मुखैमा सिङ्गापुर उडेका पूर्वप्रधानमन्त्री शेरबहादुर देउवा अझै नेपाल फर्किएका छैनन् । गत वर्ष भदौमा जेनजी आन्दोलनको क्रममा बुढानीलकण्ठस्थित निवासमै निर्घात कुटिएका उनी फलोअपका उपचारका लागि फागुन १४ गते सिङ्गापुर पुगेका थिए ।

सिङ्गापुरबाट स्वदेश नफर्की उनी अहिले हङकङ गएका छन् । पूर्वपरराष्ट्रमन्त्री तथा देउवा पत्नी डा. आरजु राणा त्यसअघि नै भारत हुँदै हङकङ गएकी थिइन् । तीन महिना पुग्दा समेत देउवा दम्पती स्वदेश फर्किने छाँटकाँट देखिएको छैन ।