इशान र रोहितको शतकीय साझेदारीमा नेपालले अमेरिकालाई दियो ३१८ रनको विजयी लक्ष्य

काठमाडौं : आइसीसी विश्वकप लिग २ अन्तर्गत जारी श्रृंखलाको अन्तिम खेलमा कप्तान रोहित पौडेल र इशान पाण्डेको शतकीय साझेदारीमा नेपालले अमेरिकालाई ३१८ रनको विजयी लक्ष्य प्रस्तुत गरेको छ। त्रिवी क्रिकेट मैदानमा टस हारेर पहिले ब्याटिङको निम्तो पाएको नेपालले निर्धारित ५० ओभरमा ८ विकेट गुमाउँदै ३१७ रन बनाएको हो।

नेपालको लागि इशान पाण्डेले सर्वाधिक ८४ रन बनाएका हुन्। उनले ८३ बलमा ८ चौका र १ छक्का प्रहार गरेका हुन्। उनले तेस्रो विकेटका लागि कप्तान रोहित पौडेलसँग ११० रनको शतकीय साझेदारी बनाएका थिए।