नयाँ गाडीको दर्ता प्रक्रिया रोकिएपछि अटो व्यवसायी आकस्मिक बैठक बस्दै

काठमाडौं । सरकारले नयाँ सवारी साधनको दर्ता प्रक्रिया रोक्का गरेपछि अटो व्यवसायीहरूले आकस्मिक बैठक बोलाएका छन् । अटो व्यवसायीहरूको छाता संस्था नाडा अटोमोबाइल्स एशोसिएन अफ नेपाल (नाडा)ले बैठक बोलाएको हो ।

नाडाका अध्यक्ष सुरेन्द्रकुमार उप्रेतीका अनुसार नाडा सचिवालयमा केहिबेरमा बैठक बस्दैछ । सरकारले ल्याएको यो व्यवस्थाबारे छलफल गर्न लागेका छन् । बैठकपछि नाडाले आफ्नो धारणा सार्वजनिक गर्ने तयारी गरेको छ ।