गिल चम्किँदा कोलकातामाथि गुजरातको रोमाञ्चक जित, केकेआर अझै जितविहीन

काठमाडौँ । इन्डियन प्रिमियर लिग (आईपीएल) अन्तर्गत शुक्रबार भएको खेलमा गुजरात टाइटन्सले कोलकाता नाइट राइडर्सलाई ५ विकेटले पराजित गरेको छ । शुभमन गिलको उत्कृष्ट अर्धशतकीय पारीको मद्दतमा गुजरातले १८१ रनको लक्ष्य १९.४ ओभरमा ५ विकेट गुमाएर पूरा गर्‍यो ।

१८१ रनको विजयी लक्ष्य पछ्याएको गुजरातका लागि कप्तान शुभमन गिलले सर्वाधिक ८६ रनको योगदान दिए । ५० बलको सामना गरेका उनले उत्कृष्ट ब्याटिङ गरे । उनलाई जस बटलरले १५ बलमा २५ तथा साई सुदर्शनले १६ बलमा २२ रन बनाएर राम्रो साथ दिए। कोलकाताका बलर वरुण चक्रवर्तीले २ विकेट लिए ।