आईपीएलमा गुजरातको तेस्रो जित, कोलकाता अझै जितविहीन

४ वैशाख, काठमाडौं । गुजरात टाइटन्सले इन्डियन प्रिमियर लिग (आईपीएल) क्रिकेटमा तेस्रो जित हासिल गरेको छ । शुक्रबार राति सम्पन्न खेलमा गुजरातले कोलकाता नाइट राइडर्सलाई ५ विकेटले पराजित गरेको हो ।

कोलकाताले दिएको १८१ रनको लक्ष्य गुजरातले २ बल बाँकी छँदा ५ विकेटको क्षतिमा भेट्टायो । कप्तान शुभमन गिलले सर्वाधिक ८६ रन बनाए । ५० बल खेलेका उनले ८ चौका र ४ छक्का प्रहार गरे । जस बट्लरले २५ तथा साइ सुदर्शनले २३ रन बनाए । ग्लेन फिलिप्सले १९ रन बनाए ।