शिक्षकहरूले जारी गरे एआईको सही प्रयोगसम्बन्धी प्रतिबद्धता

नेपालगञ्ज । बाँकेको जानकी गाउँपालिकाका शिक्षकहरूले संभवतः नेपालमै पहिलो पटक ‘शिक्षणमा एआईको प्रयोगसम्बन्धी १६ बुँदे प्रतिबद्धतापत्र’ जारी गरेका छन् ।

शिक्षण–सिकाइमा कृत्रिम बुद्धिमत्ता (एआई) को सुरक्षित, सिर्जनशील र जिम्मेवार प्रयोग गर्ने प्रतिबद्धतासहित जारी गरिएको प्रतिबद्धतापत्रमा तथ्य प्रमाणीकरणपछि मात्रै एआईबाट प्राप्त सामग्री प्रयोग गर्ने उल्लेख छ ।