विकास आयोजनाका अवरोध हटाउन र मूल्यवृद्धि समस्या समाधान गर्न सरकारलाई निर्देशन [भिडियो]

काठमाडौँ । प्रतिनिधिसभा अन्तर्गतको पूर्वाधार विकास समितिले विकास निर्माणका काममा देखिएका अवरोध हटाउन तथा निर्माण सामग्रीको मूल्यवृद्धिबाट उत्पन्न समस्या तत्काल समाधान गर्न सरकारलाई निर्देशन दिएको छ ।

शुक्रबार ऊर्जा, जलस्रोत तथा सिँचाइमन्त्री, भौतिक पूर्वाधार तथा यातायातमन्त्रीसहित सरोकारवालासँग छलफलपछि समितिका सभापति आशिष गजुरेलले सार्वजनिक पूर्वाधार आयोजनामा देखिएका जटिलता तत्काल पहिचान गरी नागरिकलाई राहत हुने गरी काम गर्न सरकारलाई निर्देशन दिएको जानकारी दिए ।