नीति र एजेण्डा बिनाका दलको भबिष्य छैन : मन्त्री गुरुङ

स्याङ्जा । नेपाल सरकारमा संचार तथा सूचना प्रविधि मन्त्री पृथ्ववी सुब्बा गुरुङ्ले मुलुक बनाउने एजेण्डा र नीति नभएका राजनीतिकदलहरुको भबिष्य नभएको बताएका छन् । स्याङ्जाको कालीगण्डकी गाउँपालिकाले आयोजना गरेको छैटौं अध्यक्ष कप तथा खेलकुद महोत्सवको शुक्रबार उदघाटन गर्दै संचार मन्त्री गुरुङ्ले मुलुक बचाउने भुमिका नभएका नयाँ राजनीतिकदलहरुको आयू लामो नहुने बताएका हुन् ।

लोक रिज्याईका लागि ठुला भाषण गर्ने तर काम नगर्ने यस्ता दलहरुले जनतालाई झुक्याउन सफल हुन थालेका छन् मन्त्री गुरुङ्ले भने,‘मुलुकको इतिहास नबुझेका, परिवर्तन कसरी भयो भन्ने थाहा नपाएका दलहरुको भविष्य लामो देखिएको छैन ।’ हिजो नयाँ शक्ति, विवेकशिल साझा पार्टी लगायतका दलहरु आज कहाँ छन् उदाहरण हेर्न सकिन्छ मन्त्री गुरुङ्ले भने ।