मतदाताबाहेक अन्य व्याक्तिलाई आवागमन रोक

दैलेख । मंसिर १६ गते उपनिर्वाचन हुने दैलेखको निर्वाचन क्षेत्र– १ को महाबु गाउँपालिका र निर्वाचन क्षेत्र –२ दुल्लू नगरपालिका वडा नंं –१३ मालिकामा मतदाता नामावली भएका वाहेक अन्य राजनीतिक नेता र कार्यकर्ताहरुलाई आगमनमा रोक लगाइएको छ । यसअघि चुनाव प्रचार प्रसार उपनिर्वाचन खटिएका नेता कार्यकर्ताले हटाईने भएको हो ।

शुक्रवार बसेको सर्वदलिय वैठकले सो निर्णय गरेको हो । मौन समयमा पनि चुनावी प्रचार गर्ने, मतदातालाई प्रभावित पार्ने र अनावश्यक विवाद सिर्जना आउनसक्ने स्थिति भएकोले सुरक्षा संवेदनशीलतालाई हेरी शुक्रवार दैलेख सदरमुकाममा बसेको बैठकले उक्त निर्णय गरेको दैलेखका प्रमुख जिल्ला अधिकारी नवराज जैसीले जानकारी दिए ।