नेकपाभित्र चर्कियो आन्तरिक विवाद: 'प्रचण्ड–माधवले नेतृत्व गर्न सक्दैनन्' भन्दै असन्तुष्टि बढ्दै

काठमाडौँ, १ असारः संसद्को दोस्रो ठूलो वामपन्थी दल नेपाली कम्युनिस्ट पार्टी (नेकपा) भित्र आन्तरिक विवाद तीव्र बनेको छ। नेतृत्वको कार्यशैली, वैचारिक अस्पष्टता र संगठनात्मक व्यवस्थापनलाई लिएर पार्टीभित्र असन्तुष्टि चुलिँदै गएको छ।

साबिक माओवादी केन्द्र, एकीकृत समाजवादीसहित करिब २५ घटक मिलेर बनेको नेकपामा पछिल्ला निर्णय र कार्यान्वयनमा ढिलाइ भएपछि नेताहरूबीच असन्तुष्टि सार्वजनिक रूपमा देखिन थालेको हो।