रियो दि जेनेरियोमा दुई हेलिकप्टर ठोक्किँदा ६ जनाको मृत्यु

काठमाडौँ । ब्राजिलको रियो दि जेनेरियो सहरमाथि आइतबार बिहान दुई हेलिकप्टर आकाशमै ठोक्किँदा ६ जनाको मृत्यु भएको स्थानीय अधिकारीहरूले जनाएका छन्। दुर्घटना सहरको पश्चिमी उपनगर रेक्रेइओ दोस बान्देरान्तेस क्षेत्रमा भएको हो ।

अग्नि नियन्त्रण विभागका अनुसार ठोक्किएपछि दुवै हेलिकप्टर तल खसेर एउटा विद्युतीय सवारी साधन बिक्री केन्द्रको पार्किङ क्षेत्रमा पुगेका थिए । दुर्घटनापछि करिब २० वटा विद्युतीय गाडीमा आगलागी भएको थियो ।