शारीरिक सुगठन प्रतियोगितामा ओम फिटनेस टिम च्याम्पियन

नेपालगन्जमा सम्पन्न भएको प्रथम वडा कप शारीरिक सुगठन प्रतियोगिता–२०८३ को उपाधि ओम फिटनेस टिम नेपालगन्जले जितेको छ ।

पूर्वखेलाडी समाज बाँकेको आयोजनामा सम्पन्न सो प्रतियोगितामा दुई स्वर्ण, दुई रजत र एक कांस्य पदकसहित ओम फिटनेस टिम च्याम्पियन बनेको हो । हेल्थ बेनी फिटनेसले एक स्वर्ण, एक रजत र एक कांस्य पदक प्राप्त गर्दै द्वितीय स्थान हासिल गरेको छ ।