भारतीय हेलिकप्टरले हाम्रो आकाश प्रयोग गरेको बारेमा मौखिक कुरा गरेका छौँ : प्रजिअ दार्चुला

काठमाडौँ । भारतीय इन्डो–टिबटेन बोर्डर पुलिस ‘आईटीबीपी’का महानिर्देशक शत्रुजीतसिंह कपुर सवार हेलिकप्टर बिना अनुमति नेपाली आकाशमा प्रवेश गरेकोबारे भारतीय पक्षसँग कुरा भएको दार्चुलाका प्रमुख जिल्ला अधिकारीले दाबी गरेका छन् । दार्चुलाका प्रजिअ अनिल पौडेलले भारतसँग त्यसबारे मौखिक कुरा भएको बताए । उनले भने, ‘अनुमति बिना हाम्रो आकाश प्रयोग भएको घटना मौखिक रूपमा जानकारी गराएका छौँ ।’

दार्चुला सदरमुकाम खलङ्गा क्षेत्रमा पनि पहिले यस्ता घटना हुने गरेको उल्लेख गर्दै प्रजिअ पौडेलले भने, ‘हामीले यस्तो गर्न मिल्दैन भनेर भनिरहेका हुन्छौँ ।’