नेपालमा पहिलोपटक भर्चुअल साइबर सेक्युरिटीको इन्टर्नशिप, उत्कृष्टलाई रोजगारीको अवसर

काठमाडौं । नेपालमा साइबर सुरक्षा क्षेत्रको बढ्दो मागलाई सम्बोधन गर्दै दक्ष जनशक्ति तयार पार्ने उद्देश्यका साथ पूर्ण रूपमा अनलाइन माध्यममा आधारित इन्टर्नशिप कार्यक्रम सञ्चालनमा आएको छ ।

साइबर सुरक्षासम्बन्धी परामर्श तथा सेवा प्रदान गर्दै आएको संस्था वन कभर प्रालिले देशभरका विद्यार्थी तथा भर्खरै स्नातक तह उत्तीर्ण गरेका युवाहरूलाई लक्षित गर्दै ६ हप्ता लामो ‘साइबर सेक्युरिटी भर्चुअल इन्टर्नशिप’ सुरु गरेको हो ।