रोल्पा दुर्घटना अपडेट : मृतकहरूको पहिचान खुल्यो

बुटवल । रोल्पाको माडी गाउँपालिका–२ घर्तिगाउँस्थित सहिद मार्गअन्तर्गत कालापहर क्षेत्रमा बिहीबार बिहान भएको जिप दुर्घटनामा मृत्यु भएका तीन जनाको पहिचान खुलेको छ।

अस्थायी नम्बर प्लेट भएको बोलेरो जिप सडकबाट करिब ६०० मिटर तल खसेकाे थियाे।

जिल्ला प्रहरी कार्यालय रोल्पाका सूचना अधिकारी एवं प्रहरी निरीक्षक कृष्ण श्रेष्ठका अनुसार मृत्यु हुनेमा दाङ घोराही उपमहानगरपालिका–७ देसाहीका २५ वर्षीय चालक वीरबहादुर चौधरी रहेका छन्।

रोल्पामा जिप दुर्घटना हुँदा ३ जनाको मृत्यु

त्यस्तै दाङ दगिशरण गाउँपालिका–७ श्रीगाउँ घर भई हाल घोराही उपमहानगरपालिका–१४ बस्ने ४० वर्षीय जिउधन चौधरी र उनकी श्रीमती ३८ वर्षीया कमला चौधरीको पनि घटनास्थलमै मृत्यु भएको प्रहरीले जनाएको छ ।

उक्त डबल क्याब गाडीले जस्तापाता र प्लास्टिकका पाइप बोकेको थियो । दुर्घटनाबारे थप अनुसन्धान भइरहेको प्रहरीले जनाएको छ।