खानेपानी महसुलमा कर नलगाउन महासङ्घको आग्रह

काठमाडौँ । खानेपानी उपभोक्ता समितिले उठाउने महसुलमा कर नलिन सरोकारावालाहरुले सरकारसँग माग गरेका छन् । शुक्रबार काठमाडौँको बबरमहलमा आयोजित राष्ट्रिय साना सहरी खानेपानी तथा सरसफाइ उपभोक्ता महासङ्घको साधारण सभाका प्रतिनिधिहरूले जेठ १५ मा ल्याउने बजेटमा कर छुट दिन माग गरेका हुन् ।

राष्ट्रिय साना सहरी खानेपानी तथा सरसफाइ उपभोक्ता महासङ्घका अध्यक्ष खेमराज वलीले खानेपानी महसुलमा सरकारले लिने २५ प्रतिशत कर छुट हुनुपर्ने बताए । उनले भने- ‘गैरनाफामुलक उपभोक्ता समितिहरुले खानेपानी मर्मत सम्भारका लागी लिने महसुलमा लगाइने कुर छुट हुनुपर्छ ।’