चिया उद्योग बन्द भएको विषय संसदमा  उठ्यो

काठमाडौँ । भारतले निर्यात रोकिदिँदा ८३ चिया उद्योग बन्द भएको विषय प्रतिनिधिसभामा उठेको छ । नेपाली कांग्रेसका सांसद नरेन्द्रकुमार केरुङले चिया उद्योग बन्द भएको विषय उठाएका हुन् ।

सदनको आकस्मिक समयमा बोल्दै केरुङले नेपालीले उब्जाएर निर्यात गरिएको ३ लाख किलो चिया भारतमा रोकिएको र ७ लाख किलो चिया उद्योगको स्टोरमै रोकिएको केरुङले बताए ।

निर्यात रोकिँदा चिया फ्याक्ट्रीका मजदुर र चिया टिप्ने मजदुरको रोजगारी खोसिएको भन्दै केरुङले तत्काल समस्याको समाधान गर्न सरकारसँग माग गरे । उनले भारतसँग जिटुजी गरी समस्याको तत्काल समाधान गर्न पनि माग गरे ।