बार्सिलोनाको फराकिलो जित

काठमाडौं, भदौ २२ । क्याटलान क्लब बार्सिलोनाले स्पेनिस लिग ला लिगामा फराकिलो जित निकालेको छ । शनिबार राति भएको खेलमा भ्यालेन्सियालाई ५-० गोलले हराउँदै बार्सिलोनाले लिगमा लगातार चौथो जित निकालेको हो ।

घरेलु मैदान स्पोटिफाइ क्याम्प नोउमा भएको खेलमा बार्सिलोनालाई जित दिलाउन लामिने यामालले दुई गोल गर्दा फेर्मिन लोपेज, राफिन्हा र पेड्रीले समान एक/एक गोल गरे । खेलको छैटौँ मिनेटमा यामालले गोल गर्दै बार्सिलोनालाई शुरुवाती अग्रता दिलाएका थिए ।