एनपीएल अक्सन : तेस्रो संस्करणका निम्ति कुन टिमले कुन खेलाडी किने ?

काठमाडौं । नेपाल प्रिमियर लिग (एनपीएल)को तेस्रो संस्करणका निम्ति सोमबार अक्सन भएको छ । नेपाल क्रिकेट संघ (क्यान)ले तेस्रो संस्करणको सिद्धार्थ बैंक एनपीएलका लागि हुने खेलाडी अक्सनमा १५५ खेलाडी छनोट गरेको थियो । सोमबार भएको अक्सनमार्फत आठ फ्रेन्चाइजीले ५२ खेलाडी किनेका हुन् ।

अक्सनमा यसअघि पहिलो र दोस्रो संस्करणमा जनकपुर बोट्लसका मार्की रहेका आशिफ शेखलाई फ्रेन्चाइजीले उच्च मूल्य २० लाखमा किनेका छन् । आशिफका निम्ति चितवन राइनोजबाहेक सबै टिमले बोली लगाएका थिए । लक्की ‘ड्र’मार्फत आशिफ लुम्बिनी लायन्स पुगेका हुन् ।