प्रतिनिधिसभाका ४ सांसदको समिति हेरफेर

काठमाडौं । सभामुख डीपी अर्यालले प्रतिनिधिसभाका चार सांसदको समिति हेरफेर गरेका छन् ।

प्रतिनिधि सभा नियमावली, २०८३ को नियम १७७ बमोजिम विभिन्न संसदीय समितिमा सदस्यहरूको हेरफेर गरेका हुन्।

उनका अनुसार राम लामालाई अन्तर्राष्ट्रिय सम्बन्ध र पर्यटन समितिबाट पूर्वाधार विकास समितिमा, बोधमाया श्रेष्ठलाई पूर्वाधार विकास समितिबाट अन्तर्राष्ट्रिय सम्बन्ध र पर्यटन समितिमा, मनिष झालाई उद्योग तथा वाणिज्य र श्रम तथा उपभोक्ता हित समितिबाट सार्वजनिक लेखा समितिमा पठाइएको छ ।

यस्तै, बुद्धरत्न महर्जनलाई सार्वजनिक लेखा समितिबाट उद्योग तथा वाणिज्य र श्रम तथा उपभोक्ता हित समितिमा पठाइएको बताए।