‘बजेट संघीयता विरोधी भयो, १ खर्बको बेनामे बजेटमाथि शंका छ’

काठमाडौं । प्रतिनिधिसभाका सांसद कृपाराम रानाले आगामी आर्थिक वर्षको बजेट गरिब मारा, संघीयताको मर्म विपरित र नागरिकको टाउकोमा ऋणको भारी बोकाउने खालको भएको भन्दै सरकार र अर्थमन्त्रीको आलोचना गरेका छन्।

सोमबारको संसद बैठकमा बजेटमाथिको छलफलमा भाग लिँदै सांसद रानाले अर्थमन्त्री डा. स्वर्णिम वाग्लेले ल्याएको बजेटले गरिब, सीमान्तकृत र स्थानीय तहलाई पूर्ण रुपमा निराश बनाएको बताए ।