‘रोल नम्बर १’ को अहिलेसम्मको बक्स अफिस कलेक्सन कति ?

काठमाडौँ । फिल्म ‘रोल नम्बर १’ ले बक्स अफिसमा एक करोड ३५ लाख बढी व्यवसाय गर्न सफल भएको छ । चलचित्र विकास बोर्डले प्रदर्शनरत नेपाली फिल्मको बक्स अफिस रिपोर्ट सोमबार सार्वजनिक गरेको छ । जसमा ‘रोल नम्बर १’ को आम्दानी आइतबार राती १२ बजेसम्म एक करोड ३५ लाख १५ हजार ९९३ ग्रस कलेक्सन गरेको छ । यो अवधिमा फिल्मको टिकट ४७ हजार १५१ वटा बिक्री भएका छन् ।

विनोद पौडेलको निर्माण रहेको फिल्म जोन योञ्जनले निर्देशन गरेका हुन् । फिल्ममा मुकुन भुसाल, सुशांक कार्की , रेणुनाथ योगी, सिर्जना अधिकारीको मुख्य भूमिका रहेको छ । फिल्मको बाल–कलाकारमा निर्भिक रेग्मी, रिन्चेन लामा, संयम कटुवाल, सिजल श्रेष्ठको समेत अभिनय छ ।