आईओएस २७ मा परिवर्तनको तयारी, नयाँ वाच फेसदेखि एआई सिरीसम्म आउँदैछ नयाँ फिचर

काठमाडौं । एप्पलले आगामी आईओएस २७ मा तीनवटा महत्वपूर्ण नयाँ फिचर थप्ने तयारी गरेको छ । रिपोर्टअनुसार, नयाँ अपडेटमा नयाँ वाच फेस, प्रयोगकर्ताले आफूअनुसार परिवर्तन गर्न सक्ने क्यामेरा एप तथा सिरीमा तेस्रो पक्षका एआई च्याटबोट प्रयोग गर्न सकिने सुविधा समावेश हुने सम्भावना छ ।

ब्लूमबर्गका अनुसार, यीमध्ये केही फिचरहरू प्रारम्भिक डेभलपर बिटा संस्करणमा देखिन थालेका छन् । एप्पलले प्रयोगकर्ताको अनुभवलाई थप व्यक्तिगत र स्मार्ट बनाउने उद्देश्यले यी नयाँ सुविधा ल्याउन लागेको बताइएको छ ।