पहिलो हाफमै ५ गोल गरेको आर्सनल उक्लियो दोस्रो स्थानमा

काठमाडौं । इंग्लिश प्रियिमर लिग फुटबलमा ५-२ को जबरजस्त जित निकाल्दै आर्सनल दोस्रो स्थानमा उक्लिएको छ । शनिबार राती वेष्टह्याम युनाइटेडको घरेलु मैदानमा आर्सनलले ५ गोल गरेको हो । घरेलु टोलीले जवाफमा दुई गोल मात्रै फर्काउन सक्यो ।

रोचक त के भने यी सबै गोल दुवैतर्फबाट खेलको पहिलो हाफअघि नै भएका हुन् । १०औं मिनेटमा पहिलो गोल गरेको आर्सनलले ३६ औं मिनेट जाँदा गोल संख्या चार भइसकेको थियो । र, पहिलो हाफको इन्जुरी समयमा एक गोल थप्यो ।