मन्त्री पुनको प्रस्ताव- 'भविष्यमा निजी क्षेत्रलाई पनि विधि विज्ञान प्रयोगशाला सञ्चालनको बाटो खोलौँ'

काठमाडौं । विज्ञान, प्रविधि तथा नवप्रवर्तनमन्त्री महावीर पुनले भविष्यमा निजी क्षेत्रलाई पनि विधि विज्ञान प्रयोगशाला सञ्चालन गर्न सक्ने गरी कानुनी व्यवस्था गर्नुपर्ने बताएका छन् ।

सोमबार संघीय संसदको प्रतिनिधि सभा अन्तर्गत शिक्षा, स्वास्थ्य तथा सूचना प्रविधि समितिको बैठकमा राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ सम्बन्धी छलफलका क्रममा मन्त्री पुनले आवश्यक मापदण्ड र नियमनका आधारमा निजी क्षेत्रलाई पनि प्रयोगशाला सञ्चालनको अनुमति दिन सकिने व्यवस्था गर्नुपर्ने धारणा राखेका हुन् ।