प्रधानमन्त्रीलाई ‘राजदूत बनाइदिन’ म्यासेज गर्दा सचिव कृष्णहरि पुष्कर पक्राउ अनि रिहा

काठमाडौँ । उपराष्ट्रपतिको कार्यालयमा कार्यरत सचिव कृष्णहरि पुष्कर कार्यालयको काम सकेर शुक्रबार घर फर्किँदै थिए। कार्यालयबाट निस्कँदा नै उनलाई प्रहरीले पछ्याएको थियो।

कपनस्थित घर नजिकै पुग्नासाथ उपत्यका अपराध अनुसन्धान कार्यालयबाट खटिएका एकजना डीएसपी नेतृत्वको टोलीले उनको गाडी रोक्यो। प्रहरीले उनलाई भन्यो, ‘तपाईं हामीसँग जानुपर्ने भयो।’